Kirsuberjatréð

Kirsuberjatréð – gamla nýlenduvöruverslunin í miðbæ Reykjavíkur fæddist að nýju 1993 þegar hópur kvenna tók sig saman og opnaði hönnunarbúðina Kirsuberjatréð. Hillurnar sem áður voru fullar af hversdagslegum nauðsynjum voru allt í einu fullar af list, handverki og hönnun. Hópurinn sem rekur Kirsuberjatréð í dag er samsettur úr 12 konum sem koma úr ólíkum áttum en allar með sömu sýn: að búa til fyrsta flokks vöru . Þær nálgast sköpun sína á mjög ólíkan hátt, vinna með ólík efni og að ólíkum vörum sem gerir Kirsuberjatréð að einstakri búð með vörur í hæsta gæðaflokki.